میرٹھ،02؍اپریل ( ایس او نیوز؍آئی این ایس انڈیا ) اتر پردیش میں دلتوں کے خلاف ایکٹ کو لے کر سپریم کورٹ کے حالیہ فیصلے سے ناراض دلت تنظیموں نے ناراضگی کا مظاہرہ کیا ہے۔ریاست سمیت ملک بھر میں آتشزنی کی خبریں آرہی ہیں۔میرٹھ کے ککرکھیڑا تھانہ سے ڈیوڈ ملی بینڈ اور ایس ایس پی پولیس فورس کے ساتھ فلیگ مارچ کرتے ہوئے گاڑیو ں سے امبیڈکر روڈ ہوتے ہوئے مارشل پچ کی طرف جا رہے تھے۔ مارشل پچ سے پہلے بھیڑ جمع تھی۔افسروں کی گاڑیوں کودیکھتے ہی ہجوم نے پتھراؤ شروع کر دیا۔اس کے بعد فورس نے بھیڑ کو بھگایا۔ڈی ایم و ایس ایس پی کی گاڑی پر پتھراؤ کے بعد پولیس ایکشن میں آئی۔پولیس نے تشدد پھیلانے کے معاملے میں سابق ممبر اسمبلی و بی ایس پی لیڈر یوگیش ورما گرفتار کیا۔اس کے ساتھ سینکڑوں مظاہرین کو بھی پکڑا گیا ہے۔وزیر اعلی یوگی آدتیہ ناتھ نے کہاکہ حکومت دلتوں اور پسماندہ طبقے کے ساتھ ہے۔ان کے تحفظ کے لئے حکومت سنجیدگی کے ساتھ کام کر رہی ہے۔حکومت آگے بھی کام کرے گی۔ایسا نہ کریں کہ قانون کی حالت خراب ہو۔ان کا کہنا تھا کہ میرٹھ، آگرہ، غازی آباد اور مغرب کے کچھ دیگر علاقوں میں توڈفوڑ اور آتش زنی کے واقعات ہوئے ہیں۔صورتحال کو قابو میں کرنے کے لئے اضافی پولیس فورس تعینات کی گئی ہے۔انہوں نے ہر حال میں حالات کو ساز گاربنائے رکھنے میں تعاون کی اپیل کی ہے۔